परशुराम कोटकर यांचे निधन

पक्षनिष्ठेचा आदर्श हरवला

पेडणे,दि.१७(प्रतिनिधी)

गोव्याचे भाग्यविधाते भाऊसाहेब बांदोडकर यांचे निस्सीम भक्त, मगोचे ज्येष्ठ नेते तथा पेडणेचे माजी आमदार परशुराम कोटकर यांचे अल्प आजाराने निधन झाले. त्यांच्या जाण्याने राजकारणातील पक्षनिष्ठेचा एक आदर्श हरवला,अशा प्रतिक्रिया उमटल्या आहेत.
गोवा विधानसभेतून १९९४ साली पेडणे मतदारसंघातून ते मगोचे आमदार म्हणून निवडून आले होते. अत्यंत साधारण राहणीमान, स्पष्टवक्तेपणा, मगो पक्षाबद्दल प्रचंड निष्ठा आणि जनसेवेची तळमळ हे त्यांचे गुण होते. तत्कालीन काँग्रेस पक्षाकडून मगो पक्षातील आमदारांना फोडून सत्ता स्थापन करण्याचा बाजार सुरू असता त्यावेळी त्यांच्यासमोर ऑफर असूनही त्यांनी मगो पक्षाचा विश्वासघात करण्यास स्पष्ट नकार दिला. फक्त एकदाच आमदार बनण्याची संधी त्यांना प्राप्त झाली असली तरी मगो व्यतिरीक्त त्यांनी अन्य पक्षात जाण्याचा कधीच विचार केला नाही आणि शेवटपर्यंत मगोनिष्ठ म्हणून आपली राजकीय पवित्रता जपली.
पेडणे नगरपालिकेचे २० वर्षे नगरसेवक म्हणून त्यांनी काम केले. आदर्श क्रीडा क्लबच्या माध्यमातून त्यांनी आपले कार्य केले. मगो पक्षाच्या केंद्रीय कार्यकारिणीवर ते सातत्याने होते. ढवळीकरबंधूंच्या कार्यपद्धतीला आव्हान देण्याचे धाडस ते नेहमीच करत होते आणि ढवळीकरबंधूंकडूनही त्यांचा पक्षाचे ज्येष्ठ नेते या नात्याने आदर राखला जात होता. राजकारणात स्वार्थाला बळी न पडल्यामुळे समाजमानसात त्यांना प्रचंड आदर होता.

  • Related Posts

    इंडेक्स फंड्स : आजची योग्य निवड, उद्याचा मजबूत पाया

    आजच्या काळात प्रत्येक व्यक्तीने आपल्या भविष्यासाठी आर्थिक नियोजन करणे अत्यावश्यक झाले आहे. महागाई, खर्चवाढ आणि अनिश्चित भविष्य यामध्ये बचतीबरोबरच गुंतवणूक करणे ही काळाची गरज आहे. गुंतवणूक ही फक्त श्रीमंतांची गरज…

    रवी नाईक – आगे बढ़ो!

    सध्याच्या परिस्थितीत सर्वच मंत्र्यांनी गप्प राहण्याचा पवित्रा घेतलेला असताना, रवी नाईक यांच्या भूमिकेचे महत्त्व अधोरेखित होते. गोव्याचे पात्रांव, म्हणजेच फोंड्याचे आमदार आणि राज्याचे कृषीमंत्री रवी नाईक. कधीकाळी गृहमंत्री असताना गुंडगिरीवर…

    Leave a Reply

    Your email address will not be published. Required fields are marked *

    You Missed

    रोहीतच्या बंगल्याची चौकशी करा !

    रोहीतच्या बंगल्याची चौकशी करा !

    बाप्पा, आम्हाला बळ दे !

    बाप्पा, आम्हाला बळ दे !

    25/08/2025 e-paper

    25/08/2025 e-paper

    “माझे घर” योजनेचा चतुर्थीत बोलबाला…

    “माझे घर” योजनेचा चतुर्थीत बोलबाला…

    इंडेक्स फंड्स : आजची योग्य निवड, उद्याचा मजबूत पाया

    इंडेक्स फंड्स : आजची योग्य निवड, उद्याचा मजबूत पाया

    ज्यूड कार्व्हालो साहेब काय हे ?

    ज्यूड कार्व्हालो साहेब काय हे ?
    error: Content is protected !!