हत्तीमुळे झालेल्या नुकसानीची भरपाई सरकारकडून मिळवून देणार

राजन कोरगांवकर यांचे शेतकऱ्यांना आश्वासन

गांवकारी, दि. २७ (प्रतिनिधी)

पेडणे तालुक्यातील तांबोसे गावात हत्तीमुळे शेतकऱ्यांचे मोठे नुकसान झाले आहे. यापैकी सुमारे ९ शेतकऱ्यांना मिशन फॉर लोकल, पेडणे यांच्यावतीने मदत करण्यात आली. सर्व शेतकऱ्यांच्या नुकसानीचा अहवाल तयार करून तो कृषी खात्याच्या माध्यमातून सरकारकडे पाठविण्यात येणार आहे. आपण स्वतः सरकारकडे पाठपुरावा करून ही मदत लवकरात लवकर शेतकऱ्यांना मिळवून देण्यासाठी प्रयत्न करणार असल्याचे राजन कोरगांवकर यांनी सांगितले.
ओंकार नावाचा हत्ती सध्या पेडणे तालुक्यातील काही गावांतील लोकांची झोप उडवत आहे. मोपा-तोर्से मार्गे हा हत्ती तांबोसे गावात पोहोचला. तेथे शेतीची नासधूस करून तो आता उगवे गावात ठाण मांडून आहे. उगवे गावातील शेतकऱ्यांचेही मोठे नुकसान सुरू आहे. सरकारकडे या हत्तीला पकडण्यासाठी किंवा त्याचा बंदोबस्त करण्यासाठी ठोस उपाययोजना नसणे हे खरेच दुर्दैवी आहे, अशी प्रतिक्रिया राजन कोरगांवकर यांनी दिली. हा हत्ती उन्मत्त होऊन लोकवस्तीत शिरला तर हाहाकार माजेल, असेही त्यांनी नमूद केले.
नुकसानीची पाहणी
मिशन फॉर लोकल यांच्यावतीने राजन कोरगांवकर यांनी तांबोसे गावातील शेतकऱ्यांच्या नुकसानीची पाहणी केली. माडाचे कवठे, पोफळी, केळीची झाडे आडवी पाडण्यात आली आहेत. या नुकसानीमुळे शेतकरी हवालदिल झाले आहेत. ही नुकसान भरपाईतून भरून येणारी नाही. या शेतकऱ्यांना तात्काळ भरपाई मिळणे गरजेचे आहेच, परंतु त्याचबरोबर हे सगळे पीक परत घ्यायचे झाल्यास शेतकऱ्यांना दुप्पट मेहनत करावी लागणार आहे. सरकारची शेतकऱ्यांप्रतीची संवेदनशीलता अपुरी आहे, अशी खंतही राजन कोरगांवकर यांनी व्यक्त केली.

  • Related Posts

    एसटी राजकीय आरक्षणासंबंधी उद्या सांगेत महत्त्वपूर्ण बैठक

    गांवकारी, दि. १४ (प्रतिनिधी) गोवा विधानसभा निवडणूक २०२७ च्या पार्श्वभूमीवर अनुसूचित जमातींना (एसटी) राजकीय आरक्षण मिळवून देण्यासाठी सुरू असलेल्या लढ्याची पुढील दिशा ठरविण्यासाठी उद्या, रविवार दि. १५ नोव्हेंबर रोजी सांगे…

    ५७ व्या आंतरराष्ट्रीय चित्रपट महोत्सवासाठी ३० कोटींचा खर्च

    ८६ देशांतील १५४ चित्रपटांचे प्रदर्शन ————————————————— गांवकारी, दि. १३ (प्रतिनिधी) : गोव्यात होणाऱ्या ५७ व्या भारतीय आंतरराष्ट्रीय चित्रपट महोत्सवासाठी (इफ्फी) राज्य सरकार सज्ज झाले असून, यंदाचा महोत्सव ‘स्टोरीज विदाऊट बॉर्डर्स’…

    You Missed

    North Goa Special Revenue Courts Dispose of 396 Cases in Single Day

    North Goa Special Revenue Courts Dispose of 396 Cases in Single Day

    Congress Alleges ₹33.37-Crore Irregularities in Goa Tribal Welfare Department, Demands Independent Probe

    Congress Alleges ₹33.37-Crore Irregularities in Goa Tribal Welfare Department, Demands Independent Probe

    Neo Majestic Casino Denies ₹3.47 Crore Fraud Allegations, Claims Complainant Lost ₹2.18 Crore in Gambling

    Neo Majestic Casino Denies ₹3.47 Crore Fraud Allegations, Claims Complainant Lost ₹2.18 Crore in Gambling

    Two FIRs Registered in Karapur-Sarvan Violence; One Arrested, Seven Injured

    Two FIRs Registered in Karapur-Sarvan Violence; One Arrested, Seven Injured

    HomeLane Enters Goa Market with First Experience Centre in Panaji

    HomeLane Enters Goa Market with First Experience Centre in Panaji

    Congress Demands Immediate Arrests in Karapur-Sarvan Assault Case, Seeks CM Sawant’s Resignation

    Congress Demands Immediate Arrests in Karapur-Sarvan Assault Case, Seeks CM Sawant’s Resignation