गोव्याच्या भूमीत जन्मला, हिरा एक अनमोल, भाऊसाहेब बांदोडकर, नाव त्यांचे, कर्तृत्व ज्यांचे थोर, स्वतंत्र गोव्याचे शिल्पकार ,प्रथम मुख्यमंत्री महान.
जनतेचा आधार बनुनी, दिले आधुनिकतेचे वरदान.

सिंहापरी नेतृत्व त्यांचे, हिमालयासम उंची,
कर्णासम दातृत्व त्यांचे, मायेची जणू ती कुंची.
बहुगुणानी सजलेले, जीवन लोकांप्रती अर्पण, लोकप्रियता अपार त्यांची, समाजासाठी केले कल्याण.

लोकशाहीचा अर्थ खरा, भाऊसाहेबांनी दाखविला, हार-जीत न मानता, जनमताचा कौल स्वीकारला.
प्रतिभगीरथ बनुनी, शिक्षणाची गंगा आणिली.
ज्ञानाची दारे उघडली, प्रगतीची वाट दाखविली.

बहुजनांचा कैवारी, असे नाव त्यांनी कमविले, शेतकऱ्यांसाठी जीवन त्यांचे, समर्पित असे राहिले,
त्यांच्या स्मृतीचा जागर, सदैव मनात राहिल.
भाऊसाहेबांच्या कार्याचा दिप तेवत राहील.

• दत्ताराम भोज्जी