२६ नोव्हेंबरपासून राज्यस्तरीय यात्रेची घोषणा
——————————————————-
गांवकारी,दि. ३ (प्रतिनिधी)
वाढती महागाई आणि सर्वसामान्य नागरिकांवरील आर्थिक बोजा या मुद्द्यांवर आम आदमी पक्षाने गोवाभर ‘महागाई मुक्ती यात्रा’ आयोजित करण्याची घोषणा केली आहे. ही यात्रा २६ नोव्हेंबर ते १९ डिसेंबर या कालावधीत राज्यातील विविध मतदारसंघ, गावे आणि जिल्ह्यांतून काढण्यात येणार असल्याची माहिती पक्षाचे राष्ट्रीय संयोजक अरविंद केजरीवाल यांनी दिली.

या यात्रेदरम्यान पक्षाच्या ‘आमची गोंयची गॅरंटी’ या सहा कलमी कार्यक्रमाचा प्रचार करण्यात येणार आहे. सहापैकी पाच हमी सर्वसामान्य कुटुंबांवरील महागाईचा आर्थिक भार कमी करण्याशी संबंधित असल्याचे केजरीवाल यांनी सांगितले. पक्षाचे पदाधिकारी आणि कार्यकर्ते नागरिकांशी थेट संवाद साधून वाढत्या किमती आणि घरगुती खर्चाच्या समस्यांवर चर्चा करणार आहेत.

दरम्यान, गोव्यातील राजकीय आघाड्यांबाबतही केजरीवाल यांनी पक्षाची भूमिका स्पष्ट केली. ‘ना काँग्रेस, ना भाजप’ या भूमिकेवर आम आदमी पक्ष ठाम असून ‘गोवा फर्स्ट अलायन्स’बाबतची पक्षाची बांधिलकी कायम असल्याचे त्यांनी सांगितले.