नवनिर्वाचित भाजपाध्यक्ष दामू कार्यकर्तृत्व महती त्याची काय वानू..!!

नाईक कुलभूषण दामू भाजपाध्यक्ष नूतन
अपेक्षित आता सच्चा भाजपाईंना चैतन्यमय परिवर्तन||धृ||

गत कैक वर्षात भाजपाला आली केवळ असह्य सूज
स्वार्थास्तव पक्षात आलेल्यांचा पदोपदी जाणवतो माज
संघ,तत्व अन् विचारनिष्ठांना वाटते प्रचंड लाज
अश्रू ओघळती त्यांच्या नयनी बदलेला पक्ष पाहून ||१||

प्रचंड प्रतिकुल परीस्थितीतून वर आलेला दमदार नेता
तेणेच तुझ्यावर साऱ्यांच्या एकवटल्या नजरा आता
संघ अपत्य कमल दलाचा ठरावा तूच त्राता
देव दुर्लभ कार्यकर्ते आता आशा बाळगती तुजकडून ||२||

लेखक, नाटककार, चित्रपट निर्माता, संवेदनशील मनाचा कवी
प्रखर राष्ट्र,धर्म प्रितीसवे तुझी साईभक्ती काय वर्णावी
साई मंदिर ही निर्माण केलेस तसेच साईचरित्र आवृत्ती कोंकणीत यावी
तळमळ,धडपडीने तुझ्या ते ही स्वप्न गेले सहज साकार होऊन ||३||

बाणेदार, दमदार, दिलदार, साधा भोळा, सरळमार्गी, निष्कपट
भगवंताने त्यामुळेच तुझ्यावर कृपा केली आज अफाट
हितशत्रुंचे साऱ्या दुष्ट मनसुबे होऊन सारे भुईसपाट
ताठ मानेने तू आज अध्यक्षपदी झाला विराजमान ||४||

तव नव नेतृत्वाखाली भाजपाने घ्यावी आता गगनभरारी
परमत्यागी कार्यकर्त्यांची स्वप्ने पूर्ण व्हावी सारी
सच्च्या गोमंतकीयांचा अभिनंदन वर्षाव तुझ्यावरी
शुभेच्छा बळावर निश्चित त्यांच्या शुभशकुनी अध्यक्ष ठरावा सर्वांहून ||५||
(सौजन्य-ऑलराऊंडर)

संगम गोविंद भौंसुले


  • Related Posts

    मगोच्या राजवटीत नक्की कोणाची हानी ?

    ओपिनियन पोल हा उच्चवर्णीयांचे हक्क आणि संसाधनांवर असलेल्या त्यांच्या मालकीबाबत ‘स्टेटस क्वो’ कायम करण्यासाठीचा लढा होता. बांदोडकरांचे बहुजनकेंद्री राजकारण त्यासाठी अडथळा ठरत होते त्यामुळे त्याची घोडदौड रोखण्याचे सगळे प्रयत्न विरोधकांनी…

    उघडले आमठाणेचे दार…

    बार्देशच्या नळांना पाण्याचा मार्ग मोकळा डिचोली, दि. २९ (प्रतिनिधी) तिलारीच्या साटेली – भेडशी येथील कालव्याला भगदाड पडल्यानंतर गेले सात दिवस बार्देश तालुक्यात तीव्र पाणी टंचाईचा प्रश्न निर्माण झाला आहे. आमठाणे…

    Leave a Reply

    Your email address will not be published. Required fields are marked *

    You Missed

    सामाजिक कार्यकर्त्यांची सितेची परीक्षा

    सामाजिक कार्यकर्त्यांची सितेची परीक्षा

    टीसीपीच्या नाकात जनहीत याचिकांचे वेसण

    टीसीपीच्या नाकात जनहीत याचिकांचे वेसण

    14/02/2025 e-paper

    14/02/2025 e-paper

    13/02/2025 e-paper

    13/02/2025 e-paper

    कोमुनिदाद जमिनीतील अतिक्रमणांचे काय ?

    कोमुनिदाद जमिनीतील अतिक्रमणांचे काय ?

    आमदार जीत आरोलकरांचे अभिनंदन!

    आमदार जीत आरोलकरांचे अभिनंदन!
    error: Content is protected !!